كلمات عابرة

كلمات عابرة

السبسي يا وجه البومة

برّي ارجع لجبّانتك المردومة

و زيد اعمل شلغومة

و يزّينا من حكايتكم البيدونة

و لوّج ميمونة

و زيد اتْعَلّى بالحكومة

و اسرق شرعيّة ثورتنا اللي رديتوها مهمومة

ياخي انت منين جاتك الشرعية

يا راس الحيّة يا الدودة الشريطيّة

انت و امثالك وين كنتوا ايّامات الدكتاتورية؟

لكن قلنا لا لعملاء و بائعي القضية

و التجمّع اللّي نهب الميزانية

و الاّ اللي صار البارح في الحدود مع ليبيا في الجنوب و دخولوا للاراضي التونسية و يطلق الرصاص عشوائيّا و الثوّار اللّيبيين هربوا لبلادنا و كيما المرّة اللّي فاتت داوييتوالجنود القذّافي و سيبتوهم الثوّار زادة لازم يحموهم و نتوجه الى الجنرالات في جيشنا الوطني الاحرار لحماية ارضنا و لاجئينا من الثوّار اللِبيين و الدفاع بشراسة عن ارضنا و بلادنا التي يريدون ثشويهها دون انتظار اي اوامر فنحن احرار و سنواصل النضال من اجل حماية وطننا بكل الطرق المتاحة لدينا ضد القهر و الظلم الممتد من نظام بورقيبة اللي نشوفوا اليوم في سياستهم قاعدة ممتدة لليوم ، و المبزّع زادة ياخا توّة وطني ؟؟؟؟ كان يخدم لبن علي؟؟؟؟ وين ماشيين وين التجمّع يحب يولّي ثوري كيف القذافي توّة

و يكملوا يدخلوا البلاد في حيط و ندخلوا في حرب اهلية كيما اللّي صار في المتلوي و المضيلة و قهر هلال و المكنين البارح و شنوة ذنب المرا اللّي مامتت و مازال الخبر مش ثابت يا قاز دارها و الاّ lacrimo , شكون المسؤول ؟ الداخلية؟ ايّا مازال عنّا ما نقولوا رانا ماناش مبطلين نحنا تخلقنا ثورييّن و مازلنا مواصلين نسيت ماحكيتش على البيراتاج متاع الكونت فيس بوك متاعي؟؟ انتم سكروا و نحنا نحلّوا و ما ناش ساكتين و حكاية البيراتاج تو نحكيلكم عليها وحدها و مرسي