من بنزرت لبن قردان شعب تونس لا يهان

بلادي يا اغلى الاوطان

اعطيتك دمّي و ماني ندمان

و نزيدك روحي قربان

فيق يا بني انسان

شعب تونس لا يهان

ما نروحّلك كان فرحان

و يتحاسب السّارق و الخوّان

و ما عادش نسمّوك دمّار ستان

تونس بلاد الفنّان موش الجبان

و التونسي اللّي تهان

بش نولوا نقولوا بالرسمي بلاد امان

بلاد حقوق الانسان

و الحريّة في كل مْكان

و دم الشهداء ما هوش للنسيان

ما ينسى كان البلهان و المزبهل الجبان

لازمنا ديما القُدّام

الحرية و الديمقراطية ابداعك يا تونسي يا فنّان

طير و حلق و انشرها في كل مكان

الثورة الفقيرة و البرجوازية في آن

مش فرنسا و مش افغانستان

عمرو ما خاف من الوديان

يحبوا يخربوك الاوروبييّن و الامريكان

و شوية مليشيا بقايا مخلوعيان

جايّك يا بلادي حفبان نبكي لكنّي فرحان

الشعب قال الثورة و خرج عريان

و لا فكّر في قوة و لا ميزان

واعترف بيه و قلب ها الميزان

من بنزرت لبن قردان شعب تونس لا يهان

مظفر العبيدي